Xatirə İslam ana oldu

İstanbuldakı Lütfi Kırdar Konqres Mərkəzində xalq yazıçısı Elçinin romanı əsasında Türkiyə və Azərbaycan kinematoqrafçılarının birgə istehsalı olan “Mahmud və Məryəm” filminin...

   İstanbuldakı Lütfi Kırdar Konqres Mərkəzində xalq yazıçısı Elçinin romanı əsasında Türkiyə və Azərbaycan kinematoqrafçılarının birgə istehsalı olan “Mahmud və Məryəm” filminin təqdimatı olub. Filmin  premyerasında iştirak edən xalq yazıçısı jurnalistlərə müsahibəsində bildirib ki, bu gün onun üçün çox xoş gündür. 31 il əvvəl yazdığı əsərin ekran həyatına qovuşmasından məmnunluğunu ifadə edən yazıçı: “Romanda qələmə aldığım məsələlər öz aktuallığını qoruyur”-deyə məsələni şərh edib. Nasir onu da vurğulayıb ki, filmin Türkiyə və Azərbaycan kinematoqrafçılarının birgə işi olması onun üçün xüsusi bir məna daşıyır.

   Əməkdar artist Teymur Əmrah solo konsert verməyə hazırlaşır. Sözügedən tədbir Rəşid Behbudov adına Mahnı Teatrında reallaşacaq. Sənətçi dəqiq tarixi bəlli olmasa da, konsertin iki gün davam edəcəyini bildirib. Xatırladaq ki, hazırda Teymur Əmrah repertuarına həm yeni bəstəkar, həm də retro mahnıları daxil etməklə məşğuldur.

   Şou-biznesin daha bir nümayındəsinin ailəsindən uşaq səsi gəlib. Bu dəfə müğənni Xatirə İslam ana olub. Paytaxtın doğum evlərindən birində övlad dünyaya gətirən müğənni oğul anası olub.

  Müğənni Elariz Məmmədoğlu bu dəfə el şənliklərinin azlığından şikayət edib. Toy bazarında lider olduğunu deyənifaçı: ”Bu səbəbdən yeni kliplərin, albomların sayı azalıb. Şou-biznesdə ən çox toyu olan müğənni mən idim. İnanıram ki, toylar qaydasına düşəndə yenə liderliyimi özümə qaytaracağam. El şənliklərinin azlığı müğənnilərə maddi ziyan vurur. Elə mənim də büdcəmə xeyli zərər dəyib”-deyə əlavə edib.  

 

Səma Ələsgərova

 

Muz-Tv.az