55-ci “Qremmi” mükafatlandırma mərasimi reallaşdı

Los Ancelesdə musiqi dünyasının ən vacib gecələrindən olan 55-ci “Qremmi” mükafatlandırma mərasimi reallaşıb. 

     Los Ancelesdə musiqi dünyasının ən vacib gecələrindən olan 55-ci “Qremmi” mükafatlandırma mərasimi reallaşıb. Gecədə moda, kino və musiqi aləminin ən vacib simaları iştirak edib. Tədbirdə mükafat qazananlardan çox diqqəti qırmızı xalıda gəzən məşhurların geyimləri çəkib. Onlardan Rihanna, Teylor Svift, Cennifer Lopez, Florens Velç xüsusi ilə seçilib. Mərasimdə Castin Timberleyk və Jay Z performansları ilə hər kəsi təəccübləndirib. Mükafatlandırma mərasimində ilin albomu adına “Mumford& Sons” qrupunun “Babel”-i layiq görülüb. Ilin səsyazması Gotyenin “Somebody that I used to know” mahnısı seçilib. Ən yaxşı ənənəvi pop vokal albomu nominasiyasında isə Pol Makkartninin ''Kisses on the bottom'' musiqi toplusu qalib olub.

     Barbadoslu müğənni Rihanna “Stay” mahnısına çəkilən yeni klipini təqdim edib. Ulduz video çarxda adət etdiyimiz vampir qadın obrazından fərqli olaraq daha romantik, sakit bir rol canlandırıb. Ekran əsəri müğənninin yeddinci albomundakı ikinci sinqla çəkilib. Rihanna kamera qarşısında köməksiz, təsirli bir obraz yaradıb. Onun klipdə makiyajsız və çılpaq olub.

     Gənc müğənni Castin Biber daha əvvəl narkotikdən istifadə etdiyini söyləyib. Kanadalı 18 yaşlı ulduz bunun üçün heyranlarından üzr istəyib. Qatıldığı bir gecə proqramında bunu etirafı edən Biber çox utandığını və peşman olduğunu söyləyib.

     Türkiyəli müğənni Reyhan Karaca 2 illik sükunətini pozaraq yeni mahnısını təqdim edib. O, hətta sözügedən əsərə klip də çəkdirib. Özünə xas tərzi və ifası ilə musiqi dünyasında fərqli bir yerə sahib olan ifaçı sözləri və musiqisi Zeki Günərə məxsus “Yüz ildir yalnızam” adlı mahnısını ekranlaşdırıb.

 

Sahilə Aslanova

 

Muz-Tv.az