“Aktrisa” filmi ətrafında qalmaqallar səngimək bilmir

Bu yaxınlarda tamaşaçıların ixtiyarına verilməsi gözlənilən “Aktrisa” filmi haqqında növbəti maraqlı fakt ortaya çıxdı. 

    Bu yaxınlarda tamaşaçıların ixtiyarına verilməsi gözlənilən “Aktrisa” filmi haqqında növbəti maraqlı fakt ortaya çıxdı. Sən demə, baş rolu canlandıran gürcü əsilli xanımın obrazını yerli ulduzumuz Nura Suri ifa etməli idi. Amma nədənsə rejissor Rövşən İsaq bu rolu müğənniyə yox, əcnəbi aktrisayalayiq görüb. Nura verdiyi açıqlamada Rövşən İsaqdan incik olduğunu gizlətməyib.  Filmin uğurlu və ya uğursuz alındığına isə tamaşaçılar qərar verəcək.

    Abbas Bağırovun təqdimat mərasimində iştirak edən müğənni Mirkamil Kamilov bir neçə heyranı tərəfindən hücuma məruz qalıb. Çoxdandır efirlərdə görünməyən ifaçı gözlənilmədən pərəstişkarları tərəfindən alqışlanmağa başlayıb. Heyranlar yalnız müğənni ilə bir neçə şəkil çəkdirəndən sonra sakitləşiblər. Qeyd edək ki, Mirkamilin bu yaxınlarda yeni klipinin çəkilişləri gözlənilir.

    Müğənni Nigar Camal Bakıya gəlib. O, açıqlamasında iki gün paytaxtda qalacağını bildirib: “Yeni reklam çarxlarının çəkilişində iştirak edəcəyəm. Burada olmağımdan istifadə edib dəvət olunduğum verilişlərə də qatılacağam”. Hədsiz dərəcədə arıqladığı diqqətdən yayınmayan Nigar bunun üçün pəhriz saxlamadığını söyləyib. “Əslində mən çox yemək yeyirəm. Heç vaxt pəhriz saxlaya bilmirəm. Amma işlərim o qədər çox olur ki, qaçaqaçdan bu qədər arıqlamışam”.

    Opera ifaçısı Cahangir Qurbanov sayca yeddinci olan yeni klipini təqdim edib. Sənətçi Eldar Həsənovun “Meçta” (Arzu) mahnısını ekranlaşdırıb. Klipin rejissor işi rejissor Nail Naiboğluya həvalə olunub. O, bu mahnını gənc həmkarı Leyla Babayeva ilə duet şəklində ifa edib. Klipdə duet ortaqları sevgili obrazını yaradıblar.  Rusiya şou-biznesinə qatılmağı qarşısına məqsəd qoyan opera ifaçısı il ərzində Eldar Həsənovun müəllifi olduğu mahnılardan ibarət 3 solo albom buraxıb.  Qeyd edək ki, Cahangir Qurbanov Azərbaycan Dövlət Opera və Balet Teatrının solistidir.

    Məşhur repçilər Anar Nağılbaz və Toni yeni “Köhnə Bakı” adlı layihələrini təqdim etməyə hazırlaşırlar. Toni mahnının sözlərinin və klipin ideyasının ona məxsus olduğunu bildirib. Ifaçılar əsərin əsl bakılılar haqqında olduğunu söyləyib:  “Bu, köhnə Bakı haqqında nostalji bir mahnı olacaq”. Toni uşaqlığından Anar Nağılbazla duet oxumaq arzusunda olduğunu da sözlərinə əlavə edib.

 

Sahilə Aslanova

 

Muz-Tv.az