Daha bir məşhur evliliyini bitirdi
Məşhur aktrisa Ceyda Düvənci 2008-ci ildə evləndiyi Engin Akgündən boşandığını söyləyib
Məşhur aktrisa Ceyda Düvənci 2008-ci ildə evləndiyi Engin Akgündən boşandığını söyləyib: “Bundan sonra övladımızın sağlamlığı və xoşbəxtliyi üçün iki dost olaraq qızımızın yanında olacağıq” – deyə o, məsələni şərh edib. Hazırda “Ümidsiz ev qadınları” serialında oynayan məşhur xanım evliliyini səssiz-sədasız bitirib. Bu barədə mətbuata rəsmi açıqlama verən Düvənci qarşılıqlı razılaşma yolu ilə boşandıqlarını bildirib. Maddi səbəblərdən evliliklərinin bitdiyi iddialarını yalanlayan aktirsa həyat yoldaşının hər zaman maddi-mənəvi ən böyük dəstəkçisi olduğunu, boşandıqdan sonra da bunun dəyişməyəcəyini söyləyib.
Ingilis Formula 1 yarışmasının piloti Lyuis Hamilton amerikalı sevgilisi Nikol Şerzingerle aralarındakı məsafəni tez dəf edə bilmək üçün 20 milyon sterlinqə təyyarə alıb. 28 yaşlı yarışmaçının məşhuru ulduzu görmək üçün aldığı qırmızı rəngli “Bombardier CL- 600” markalı sürət təyyarəsində plazma televizor, bar və yataq otağı da mövcuddur.
Murat Bozun Almaniyada evlənib Diyarbakırda boşandığı sevgilis Eliz Sakucoğlu İstanbulun alış-veriş mərkəzlərindən birində gəzişərkən görülüb. Boşanma barədə suallar qarşısında susqunluğunu qoruyan gənc xanım :“Mən bu barədə şərh vermək istəmirəm, amma Muradla hələ də birlikdəyik” –deməklə kifayətlənib.
Məşhur “Hurts” qrupu “Miracle” mahnısına çəkilən yeni klipini təqdim edib. Video çarx kollektivin martın 11-də təqdim ediləcək “Exile” albomuna dəstək məqsədilə çəkilib. Sözügedən ekran əsərində heç bir süjet xətti yoxdur. Qrup üzvləri Teo və Adam çox qeyri-adi geyimli bir qrup qız tərəfindən dağıdılan məkanları dolaşır.
Türkiyəli müğənni Demet Akalın yenə hər kəsi təəccübləndirməyi bacarıb. Belə ki, səhnəyə çıxmadan əvvəl istifadə etdiyi ətrinin bitdiyini görən ifaçı dərhal yaxınlıqdakı bir kosmetika mağazasına zəng edib. Məşhur popçu istifadə etdiyi ətirdən 17 şüşə sifariş verərək kulisinə gətizdirib. Bu bahalı istəyi üçün Akalın 2 min lirə ödəməli olub.
Castin Timberleyk və Britni Spirs 2002-ci ildə ayrılmaqlarına baxmayaraq, hələ də bir-birlərinə söz atmaqda davam edir. Belə ki, Castin iştirak etdiyi bir mərasimdə on il əvvəl ona xəyanət etdiyinə görə Britniyə qarşı ağır sözlər işlədib. Məşhur “Cry me a river” adl hitinin təqdimatından əvvəl 32 yaşlı aktyor və müğənni həyatının qadınını tapdığını elan etmişdi. Hər kəs mahnının Britniyə, onun xəyanətinə həsr olunduğunu bilirdi. Castin onu çox sevdiyini, amma bu cür satqınlığa dözə bilmədiyini söyləyib. Yaxın dostları ulduzun hələ də keçmiş sevgilisini unuda bilmədiyini iddia edir.
Sahilə Aslanova
Muz-Tv.az