Şou aləmində baş verən ən maraqlı hadisələr

Xalq artisti Mübariz Tağıyev 65-ci doğum gününü təmtəraqlı bir şəkildə qeyd edib. Bir çox tanınmış incəsənət adamı Mübariz Tağıyevin bu özəl günündə iştirak edib. 

    Xalq artisti Mübariz Tağıyev 65-ci doğum gününü təmtəraqlı bir şəkildə qeyd edib. Bir çox tanınmış incəsənət adamı Mübariz Tağıyevin bu özəl günündə iştirak edib. Onların arasında Baba Vəziroğlu, Ağadadaş Ağayev, Şeyx Əbdül, Ayan Babakişiyeva və digər sənətçilər də olub. Qeyd edək ki, sənətçi ad gününü şəhərin məşhur  restoranlarından birində keçirib.

    Azərbaycan şou-biznesinin küsülü olan iki parlaq ulduzu - Natavan Həbibi və Röya barışıb. Müğənnilər Gənclər gününə həsr olunmuş tədbirdə barışıblar. Belə ki, Natavan oxuyarkən Röya da səhnəyə qalxıb və köhnə rəfiqəsi ilə qucaqlaşıb. Qeyd edək ki, onların barışmasının təşəbbüskarı nəğməkar şair Cəlal Qurbanov olub. 

    Tanınmış müğənni Xuraman Şuşalının doğum günüdür. Sənətçi təntənəli tədbir keçirməyəcək. Bu barədə müğənni özü bildirib. \"Dünəndən məni təbrik edirlər, lakin həmişə olduğu kimi ən birinci həyat yoldaşım oldu. Hədiyyə olaraq o, mənim üçün klip çəkdirib. Ad günümü həmişə olduğu kimi, dostlarımın, yaxınlarımın əhatəsində keçirəcəm\", -deyə  o qeyd edib.

     Müğənni Elnur Hüseynov yaxın günlərdə bu susqunluğunu pozacağını deyib. Belə ki, “Yar-yar” adlı yeni mahnı hazırlayan ifaçı yaxın günlərdə onu təqdim edəcək: “Mahnının sözləri Diana xanıma, musiqisi isə özümə məxsusdur. Daha bir neçə yeni mahnı üzərində işləyirəm. Efirlərdə çox görünməyi sevmirəm. Yaxşısı budur az, amma səviyyəli iş ortaya çıxarım”. Gənc müğənni yaxın bir neçə ay ərzində klip çəkdirməyi düşünmür.  Çünki o, yerli klipmeykerlərin işini bəyənmir: “Klipi rejissor yox, klipmeyker çəkməlidir. Bizim rejissorlar çoxlu pul alıb, ortaya keyfiyyətsiz iş çıxarırlar.”.

 

 

Sahilə Aslanova

 

Muz-Tv.az