Şou-biznes əhli nə ilə yadda qaldı?

Youtube-da Rusiyanın məşhur kanalı “ELLO”da Dima Bilanla Nigar Camalın “Obnimi menya” klipi nümayiş etdirilib.

     Youtube-da Rusiyanın məşhur kanalı “ELLO”da Dima Bilanla Nigar Camalın “Obnimi menya” klipi nümayiş etdirilib. İfaçıların yeni ekran əsərlərinin təqdimatı 2012-ci ildə Bakıda təşkil olunan “Avroviziya” mahnı müsabiqəsi zamanı olub.Qeyd edək ki, bu yarışmasının tarixində ilk dəfədir ki, müxtəlif illərdə müsabiqənin qalibi olan ifaçılar bir yerdə duet ifa edirlər.

    Müğənni Elçin Cəfərov bundan sonra özü üçün mahnı bəstələməyəcək.

Sənətçi bu il yalnız klip çəkəcəyini və digər müğənnilərə mahnılar yazacağını bildirib:“Şou-biznesin ən məşhur simaları məndən mahnı istəyir. Heç kimə də yox deyib, xətrinə dəyə bilmirəm. Ona görə də qərara gəldim ki, bu il özüm üçün mahnı yazmayım. Bütün yazacağım mahnıları sənət dostlarıma verəcəyəm. İndi pərəstişkarlarım əsərlərimi başqa sənətçilərin ifasında eşidəcəklər”.

   Gövhər Həsənzadə  Türkiyədə albom buraxır. Bəstəkar musiqi toplusuna daxil olan mahnıların hansı müğənni tərəfindən ifa ediləcəyini sirr saxlayıb:“Bu mahnıları Türkiyənin məşhur qadın müğənnilərindən biri oxuyacaq.  Onun adını həftə sonu açıqlaya bilərəm. Bu işlə əlaqədar yaxınlarda yenidən Türkiyəyə yollanacağam”.

   Azərbaycanın tanınmış müğənnilərindən olan Rüfət Mehdiyevin vəfatından iki il ötür. Müğənni 2011-ci ilin fevralın 1-də, beyin qan sızmasından vəfat edib. 41 yaşında dünyasını dəyişən müğənni bir çox mahnıları ilə sevilib. Onun “Darıxıram”, “Gedirəm”, “Getdin”, “İl keçdi”, “Yandırdı, yaxdı məni” mahnıları geniş dinləyici auditoriyası qazanıb. Xatırladaq ki, Rüfət Sabir oğlu Mehdiyev 7 iyul 1969-cu ildə Bakıda dünyaya gəlib və 1989-cu ildən musiqi ilə məşğul olub.

 

Sərvər Mehdiyev

 

Muz-Tv.az