Türkiyəli müğənninin vəziyyəti ağırlaşıb

Türkiyəli müğənni Müslüm Gürsesin vəziyyətinin yaxşıya doğru dəyişdiyi, sənətçinin artıq danışa bildiyi açıqlanmışdı. 

   Türkiyəli müğənni Müslüm Gürsesin vəziyyətinin yaxşıya doğru dəyişdiyi, sənətçinin artıq danışa bildiyi açıqlanmışdı. Oktyabr ayında ürək əməliyyatı keçirdən, daha sonra qara ciyər və böyrək çatışmazlığı ilə üzləşən sənətkarın hazırda yatırıldığı söylənilib. Üç həftə yatması planlaşdırılan Gürsəsin həyat yoldaşı Muhterem Nur bir an belə xəstəxanadan ayrılmır. Bu günə qədər sükunətini qoruyan xanım: “Artıq ümidim kəsilib. Vəziyyəti pisləşir. Sağalması möcüzə olacaq” –deyərək göz yaşlarını saxlaya bilməyib.

   Amerikalı müğənni Kris Braun 4 il əvvəl sevgilisi Rihannanı döyməsi ilə gündəmə gəlmişdi. Qremmi mükafatı laureatı olan ulduzun qəzəbinə bu dəfə R&B müğənnisi Frenk Ouşen tuş gəlib. O, Hollivuddakı bir avtopark yerində Braunun hücumuna məruz qalıb. Cütlüyü yalnız polsi ayıra bilib. Ouşen Braunun ən ağır şəkildə cəzalandırılmasını tələb edib.

   “Seni beklerken” adlı ilk albomu ilə musiqisevərlərinin rəğbətini qazanan Halil Sezai ikinci musiqi toplusu “Ey Aşk”- ı təqdim edib. Alboma 14 mahnı daxil edilib. Üz qabığı şəkilləri Mehmet Turquta məxsusdur.  Musiqi toplusunun ilk klipi “Yanğın var” mahnısına çəkilib.

    Soul musiqinin kraliçası Alişa Kiz “Girl on fire” mahnısına çəkilən daha bir klipini təqdim edib. Video çarx xüsusi ilə Yaponiya üçün lentə alınıb. Rəngarəng səhnələrə yer verilən ekran əsərində Alişa gözəlliyi ilə göz qamaşdırıb.

    Müğənni Beyons “Puls NYC”  adlanan yeni ətrini təqdim edib.  Sayca beşinci olan bu məhsulda ulduz armud, nar, orxideya qoxularından istifadə edib. Ətrin reklam filmində Nyu York şəhərinin gecə həyatı, dinamikliyi, ahəngdarlığı əks olunub.  Ətir fevralın 1-də satışa çıxarılacaq.

 

Sahilə Aslanova

 

Muz-Tv.az