Yerli ulduzlarınızdan sevindirici xəbərlər

Xalq artisti Aygün Kazımova yanvarın 26-da dünyaya gəlməsinə baxmayaraq, öz doğum gününü iki gün sonra təntənəli şəkildə qeyd etdi. 

    Xalq artisti Aygün Kazımova yanvarın 26-da dünyaya gəlməsinə baxmayaraq, öz doğum gününü iki gün sonra təntənəli şəkildə qeyd etdi. Gecədə xalq artisti Faiq Ağayev, Elnur, Zamiq, Sevda Yahyayeva, Nura, Ayan və digər məşhurları görmək olardı.

    Müğənni Nüşabə Ələsgərlinin səs tellərində yaranan problem aradan qaldırılıb. O, səsinin tutulmasının səbəbini də açıqlayıb. Bu barədə danışan müğənni gözə gəldiyini deyib: “Gərək özümlə gözmuncuğu gəzdirim. Sağ olsunlar, həkimlərimiz qısa vaxtda səs tellərimdə yaranan problemi aradan qaldırdılar” –deyə müğənni xanım məsələni şərh edib.

     Türkiyədə yaşayan müğənni İradə İbrahimova sosial şəbəkədə həyat yoldaşı Ceyhun İzər və qızı İpəklə şəkillərini paylaşıb. Olduqca mehriban görünən cütlüyün bu ailə fotoları hər kəsin marağına səbəb olub.

    Hər zaman repertuarını yeniləyən müğənni Günel Məhərrəmova “Ruhum sənlə” adlı yeni mahnı ilə sevənlərinin görüşünə gələcək. Onun prodüseri Səbuhi Arif bildirib ki, sözləri və musiqisi Tunar Rəhmanoğluya, aranjemanı Rəşad Bağırova məxsus yeni lirik nəğməyə tezliklə ekran həyatı da veriləcək. Bundan əlavə, klipin rejissorunun elə Günelin özü olacağı deyilir.

 

 

 

Sahilə Aslanova

 

Muz-Tv.az