Madonna ən çox gəlir gətirən məşhurların siyahısında

Dünyaşöhrətli müğənni Madonnanın “MDNA” adlı albomuna dəstək məqsədi ilə təşkil olunan dünya turnesi ən çox gəlir gətirən qastrollar sırasına daxil edilib. 

    Dünyaşöhrətli müğənni Madonnanın “MDNA” adlı albomuna dəstək məqsədi ilə təşkil olunan dünya turnesi ən çox gəlir gətirən qastrollar sırasına daxil edilib. Pop ulduz şou proqramına görə 305 milyon dollara qazanıb. Siyahının ilk sıralarında həmçinin “U2”, “The Rolling Stones”, “AC/DC” qrupları var. Madonnanın sözügedən qastrolu 2012-ci il mayın 31-də Təl-Avivdə başlayıb və dekabrın 22-də Argentinada bitib.

    2011-ci ilin noyabr ayında “The Black Eyed Peas” qrupu dağıldığını və  kollektiv üzvlərinin solo karyera ilə məşğul olacaqlarını elan etmişdi. Qrup üzvlərindən Fergi müsahibələrindən birində musiqi fəaliyyətindən yorulduğunu və istirahət etmək istədiyini söyləyib. Will.i.am də öz dördüncü albomunun hazırlıqlarına başlayıb. Qrupun digər üzvləri də yaradıcılıqla məşğuldur.  Will.i.am bu barədə danışarkən “The Black Eyed Peas” qrupunun sadəcə fasilə verdiyini və tezliklə yenidən fəailiyyətə başlayacağını bildirib. Xatırladaq ki, öz 15 illik yaradıcılığı ərzində qrup 32 milyon dollar gəlir əldə edib.

    Ana olmaq istədiyini hər fürsətdə təkrarlayan müğənni Bengü tezliklə ailə həyatı qurmaq fikrindədir. Evlənib uşaq sahibi olsa da, karyerasını davam etdirəcəyini söyləyən ifaçı: “Analıq hissini dadmadan heç bir qadının ölməsini istəmirəm” –deyə vurğulayıb. Oğul sahibi olmağı arzuladığını qeyd edən Bengü çox qısqanc olduğunu da sözlərinə əlavə edib.  

    Rusiyalı müğənni Dmitriy Koldun ata olub. Bu vaxta qədər müxbirlərlə hər bir informasiyanı bölüşən ifaçı şəxsi həyatı ilə bağlı danışmaqdan çəkinib. Belə ki, körpənin bir həftə əvvəl doğulmasına baxmayaraq, Dmitriy bu barədə yalnız indi məlumat vermək qərarına gəlib. “Ana da, körpə də sağlamdırlar. Çox xoşbəxtəm” –deyə sənətçi hisslərini ifadə edib.

    Türkiyəli müğənni Ebru Gündəş İstanbulun ən məşhur məkanlarından birində konsert proqramı ilə çıxış edib. Gecədə sənətçi 65 mahnı ifa edərək Sibel Canın iki ay əvvəl qırdığı 54 mahnılıq rekordunu əlindən alıb. Gündəşi dinləməyə gələnlər arasında Demet Akalın və Mustafa Sandal da olub. Müğənni Ledi Gaga və Madonnanın modelyeri Aleksandr Makkuina məxsus qara paltarı ilə göz qamaşdırıb.

 

Sahilə Aslanova

 

Muz-Tv.az