Bu gün Aygün Kazımovanın doğum günüdür
Aygün Kazımova doğum gününü qeyd edir. Xalq artisti 1971-ci il yanvarın 26-da Bakıda anadan olub.
Aygün Kazımova doğum gününü qeyd edir. Xalq artisti 1971-ci il yanvarın 26-da Bakıda anadan olub. O, peşəkar səhnəyə ilk dəfə 1988-ci ildə "Bakı Payızı" yarışması ilə gəlib. Aygün xanım bir sıra beynəlxalq yarışmaların laureatı olub. İndiyə kimi 10-a yaxın solo-konsert verib. Bunlardan "Aygün-Bir Gün", "Qeyri-adi şou", Moskvada möhtəşəm yubiley konsertlərini və digərlərini misal göstərmək olar. Sənətçinin bu günə kimi 15 diski işıq üzü görüb. Aygün xanım 2001-ci ildə əməkdar artist, 2009-cu ildə isə xalq artisti adlarına layiq görülüb. O, Vaqif Gərayzadə, Eldar Mansurov və Cavanşir Quliyev kimi müəllimlərdən musiqi təhsili alıb. Xalq artisti xarici ölkələrdə də konsertlər verib. Onlardan ən məşhuru 2006-cı ildə Moskvada Dövlət Kreml sarayında təşkil edilən konsertdir. 2005-ci ildə rejissor Arif Qazıyevin "Xarı Bülbüllər" musiqili filmində baş rol alan Aygün Kazımova həmçinin "Best Model of Azerbaijan"ın rəhbəri vəzifəsində də iştirak edib. Son illər daha çox Türkiyə şou-biznesinə qatılmağı ilə gündəmdə olan sənətçi ifa etdiyi “Hayat ona güzel” mahnısı ilə daha da şöhrət qazanıb. Biz də Muz Tv kanalı olaraq xalq artistimizi təbrik edirik.
Prodüser Zöhrab Ağayev xalq artisti Aydün Kazımovanın prodüseri olmaq eşqinə düşüb. Belə ki, o, “Aygün xanım prodüserindən ayrılıb. Bəlkə onunla işbirliyi qurasan?” sualına “Əgər diva razılaşsa, məmnuniyyətlə işləyərəm. Bundan sonra heç bir müğənni ilə çalışmayacağımı demişdim. Amma elə bir xanımla işləməkdən zövq alaram”-deyə cavab verib.
Tədbirlərin birində şou–biznesin iki məşhur müğənnisi Ramal və Mətanət Əsədovanın səmimi görüntüləri diqqətlərdən yayınmayıb. Fotokameralara tuş gələn cütlük bir-birlərinə olduqca mehriban münasibət göstərib. Qeyd edək ki, müğənnilər möhkəm dost olduqlarını iddia edirlər.
Artıq bir neçə gündür ki, internetdə İradə İbrahimovanın keçəl şəkilləri dolaşır. Deyilənlərə görə, müğənni səhhəti ilə əlaqədar başını keçəl edib. Müğənni özü isə bu məlumatları təkzib edib. İradə xanım bildirib ki, internetdə yayılan fotolar montajdır və həqiqətə uyğun deyil.
Sərvər Mehdiyev
Muz-Tv.az