Vladimir Visotskinin 75-ci doğum günüdür

Aktyor, müğənni, bəstəkar, SSRİ Dövlət mükafatı laureatı Vladimir Visotskinin doğum günüdür. 

   Aktyor, müğənni, bəstəkar, SSRİ Dövlət mükafatı laureatı Vladimir Visotskinin doğum günüdür.O, 1938-ci il yanvarın 25-də Moskvada anadan olub. Uşaqlığı müharibə illərinə təsadüf edən sənətkar 1947-ci ildən 1949-cu ilə kimi atası və analığı ilə Almaniyada yaşayıb, sonradan Moskvaya qayıdaraq müəllimlər evindəki dram dərnəyinə daxil olub.  O, ömrünün sonuna qədər Moskva dram və komediya teatrında işləyib.

   Sənətkar "Qalileyin həyatı", "Hamlet","Puqaçov", "Albalı bağı", "Cinayət və cəza" tamaşalarında baş rollarda çıxış edib. Ilk şeirlərini tələbəlik illərində yazan Vısotskinin  bir neçə tamaşada mahnıları da səslənib. Onun "Döymə" adlı ilk kitabı 1961-ci ildə çap olunub.

   Vladimir Vısotski 1959-cu ildən kinoya çəkilməyə başlayıb. Mahnılarını gitarada ifa edən Vısotskinin əsərləri mətbuatda ciddi tənqid edilib. Onun kitablarından, bir-iki mahnı və şeirindən başqa heç bir əsəri çap edilməyib.  Sənətkar 1980-ci ilin iyulun 27-də vəfat edib.  Ölümündən sonra o "Görüş yerini dəyişmək olmaz" filmindəki roluna görə SSRİ Dövlət mükafatı ilə təltif olunub.

                                   

Sahilə Aslanova

 

Muz-Tv.az