Aydan Şener artıq Bakıdadır

Yay aylarında şəhərimizin qonağı olan türkiyəli aktrisa Aydan Şener artıq Bakıdadır. 

    Yay aylarında şəhərimizin qonağı olan türkiyəli aktrisa Aydan Şener artıq Bakıdadır. “Çalıquşu” serialının ulduzu paytaxtımıza təşrif buyurub. Aktrisanın səfərinin  səbəbi onun reklam siması olduğu şirkətlə bağlıdır.

    Tanınmış bəstəkar və aparıcı Murad Arifin bəstələdiyi “Bu şəhər ikimizə dar” mahnısının ətrafında qalmaqal yaranıb. Öncə xalq artisti Brilliant Dadaşova üçün bəstələnən əsər bir neçə ildən sonra müəllif tərəfindən əməkdar artist Lalə Məmmədovaya təqdim olunub. Murad Arifin sözlərinə görə, bu mahnı 5 il öncə yazılıb və Brilliant Dadaşovaya verilərəkən q onun tərəfindən bəyənilib.  Amma illər keçsə də ifa üzə çıxmayıb . Daha sonra digər müğənnilərə də təklif olunan əsəri sonda Lalə Məmmədova oxuyub.

    Bu günlərdə İsveçrədə dövlət səviyyəli bayramlardan biri qeyd olunacaq. Bu münasibətlə hazırlanan konsert proqramına azərbaycanlı müğənni Safura Əlizadənin də adı daxil edilib. Müğənninin bildirdiyinə görə, bayram tədbirində o, bir neçə Şərq üslubunda mahnı ifa edəcək. Bundan əlavə, tezliklə Safuranin daha bir klipi ekranlaşdırılacaq. İsveçrədə lentə alınacaq ekran əsəri Amerika üslubunda olacaq:   «Çalışdığım komanda burada nəzərdə tutulan işlərimi bir-birindən fərqləndirir. Klipim də məşhurların klipi kimi göz oxşayan və fərqli - amerikasayağı olacaq. Bundan başqa, yeni mahnılar yazdırıram ki, bunların da müəllifi tanınmış bəstəkarlardır» -deyə o, qeyd edib

    Reper Hüseyn Dərya maraqlı açıqlama verib. O, narkotikdən imtina etsə də, şeytanın onu narahat etdiyini iddia edib. “Şükürlər olsun ki, artıq neçə vaxtdır bu pis vərdişimdən imtina etmişəm. Bəzən şeytan məni öz yolumdan döndərməyə çalışır, amma dözürəm. Yenidən o günlərimə qayıtmaq istəmirəm”, - deyə repçi bildirib.

 

Sevda Məmmədova

 

Muz-Tv.az