Xalq artisti “Sən demə yaşın fərqi var imiş” deyəcək
Xalq artisti Səməd Səmədov 2013-cü ilin ilk günlərində bir çox yeniliklərə imza atıb.
Xalq artisti Səməd Səmədov 2013-cü ilin ilk günlərində bir çox yeniliklərə imza atıb. O, söz və musiqisi Elşən Nicata, aranjemanı Rəşada məxsus olan “Təbrikə gəlmişəm” adlı mahnısınaın studiya yazılışlarını yenicə bitirib. Daha bir mahnı isə Xanım İsmayılqızındandır. Sözləri İftixar Piriyevə məxsus olan “Sən demə yaşın fərqi var imiş” adlı əsərə də xalq artisti qışın sonlarında klip çəkdirmək fikrindədir. Eyni zamanda sənətkarın artıq 2 ilə yaxındır yaratdığı 3 gəncdən ibarət “Qismət” vokal qrupu Səməd Səmədov və Könül Kərimova ilə birlikdə yeni mahnı ifa edib.
Əməkdar artist Tünzalə Ağayeva qeyri-adi layihəyə imza atacaq. Xalq mahnısı yazdırmağa hazırlaşan müğənni sosial-şəbəkələr vasitəsi ilə istifadəçilərdən gələn sözləri toplayacaq. Mahnının musiqisini özünün bəstələyəcəyini söyləyən əməkdar artist mövzunu hələ ki sirr saxlayır. Bundan əlavə, müğənni musiqisi özünə, sözləri millət vəkili Qənirə Paşayevaya məxsus olan "Bir Dünya istəyirəm" adlı mahnıya çəkdirdiyi klipinin təqdimat mərasimini keçirməyə hazırlaşır.
Azərbaycanın əməkdar artisti Mətanət İsgəndərli qızından danışıb. Müğənni qızı Ülkəri o ki var tərifləyib. Sənətçi hər zaman qızı üçün Allaha dualar etdiyini deyib: “Hər bir ana üçün övladı qiymətlidir. Amma qızım Ülkər mənim üçün çox fərqlidir. Onun hazırda 24 yaşı var. Onun kimi qızlar çox azdır. Onu da deyim ki, Ülkəri heç kimə vermək istəmirəm. Allaha hər gün dualar edirəm ki, yaxşı ailənin gəlini olsun”.
Müğənni Abbas Bağırov 2013-cü illə bağlı layihələrini gerçəkləşdirmək üçün Türkiyəyə yola düşüb. Sənətçi burada yeni albom çıxarmaqla yanaşı, bir çox tədbirlərə də qatılıb. Tədbirlərin birində səhnəyə çıxan müğənnini dinləyənlər arasında türkiyəli məşhur sənətçilər Bengü və Alişan da olublar. Bengü Abbasın səsinə heyran olub. Hətta ifa zamanı onu telefonu ilə videoya da çəkib. Bundan başqa Abbas “Facebook”da yaratdığı heyran səhifəsində Türkiyədə çəkilən yeni bir fotosunu paylaşıb. Şəkildə o özünü Türkiyənin məşhur “Kurtlar Vadisi” teleseralının qəhrəmanı Polad Ələmdara oxşadıb.
Sahilə Aslanova
Muz-Tv.az