Bakının həftəlikı mədəni tədbirləri - AFİŞA

Bakı sakinlərinin və şəhərin qonaqlarının asudə vaxtlarını səmərəli keçirmələri üçün 25-31 may tarixləri aralığında paytaxtda bir çox tamaşalar, konsertlər baş tutacaq.

Azərbaycan Dövlət Akademik Milli Dram Teatrında:

Mayın 28-də saat 19:00-da "LƏNG: Zamanla yarışan insan" tamaşası nəzərdə tutulub.

Quruluşçu rejissor Əməkdar artist Bəhruz Vaqifoğludur.

Biletlərin qiyməti: 10-25 manat.

Mayın 29-da saat 19:00-da Cəlil Məmmədquluzadənin 1909-cu ildə yazdığı "Ölülər" tamaşası səhnələşdiriləcək.

Tragikomediya janrında olan tamaşanın quruluşçu rejissoru Xalq artisti Azər Paşa Nemətovdur.

Biletlərin qiyməti 10-20 manatdır.

Mayın 30-da saat 19:00-da Əli Əmirlinin "Varlı qadın" tamaşası nümayiş etdiriləcək.

Quruluşçu rejissor Əməkdar incəsənət xadimi Bəhram Osmanovdur.

Biletlərin qiyməti 10-25 manatdır.

Milli Gənc Tamaşaçılar Teatrının səhnəsində:

Mayın 30-da saat 19:00-da Cəfər Cabbarlının "Aydın" tamaşası olacaq.

Quruluşçu rejissor Xalq artisti Firudin Məhərrəmovdur.

Biletlərin qiyməti 10-25 manatdır.

Mayın 31-də saat 19:00-da Cəfər Cabbarlının "Solğun Çiçəklər" tamaşası oynanılacaq.

Tamaşanın quruluşçu rejissoru Səbinə Məmmədzadədir.

Biletlərin qiyməti 10 manatdır.

Azərbaycan Dövlət Akademik Musiqili Teatrında:

Mayın 29-da saat 19:00-da Kamal Abdullanın "Gülçöhrə və Əsgər" musiqili dramı baş tutacaq.

Quruluşçu rejissor Əməkdar incəsənət xadimi, Prezident mükafatçısı Əsgər Əsgərovdur.

Biletlərin qiyməti: 10-20 manat.

Mayın 30-da saat 19:00-da Oqtay Kazımi və Ramiz Heydərin "Qızıl toy" tamaşası nümayiş etdiriləcək.

Tamaşanın quruluşçu rejissoru Yusif Əkbərovdur.

Biletlərin qiyməti 10-15 manatdır.

Mayın 31-də saat 19:00-da dünyaşöhrətli musiqiçi Elvis Preslinin ölməz əsərləri əsasında "Sən kralsan" tamaşası oynanılacaq.

Müzikl janrında olan tamaşanın libretto müəllifi və quruluşçu rejissoru Ələkbər Tağızadədir.

Biletlərin qiyməti: 10-25 manat.

Azərbaycan Dövlət Yuğ Teatrında (Kukla Teatrının binasında):

Mayın 31-də saat 19:00-da Cəlil Məmmədquluzadənin "Çay dəsgahı" adlı pyesi əsasında "Toy dəsgahı" tamaşası oynanılacaq.

Biletlərin qiyməti 5-15 manatdır.

Heydər Əliyev Sarayı:

Mayın 28-də saat 19:00-da "Koroğlu" operası olacaq.

Dirijor Mustafa Mehmandarov, quruluşçu baletmeyster SSRİ Xalq artisti Qəmər Almaszadə, xormeyster Əməkdar incəsənət xadimi Sevil Hacıyevadır.

Biletlərin qiyməti 15-55 manatdır.

Mayın 30-da saat 19:00-da "Suvar" ləzgi xalq mahnı və rəqs ansanblının

"30 il Lezginka ritmində" yubiley konserti.

Biletlərin qiyməti 25-100 manatdır.