"Hörümçək adam" kostyumu hərracda - FOTO

Tobey Maquayrın "Hörümçək adam 2" və "Hörümçək adam 3" filmində geyindiyi kostyumu sentyabrın 4-də hərraca çıxarılacaq.

Kostyum streç spandeksdən tikilmiş, çəkmələri olan bir parça qırmızı və mavi kombinezondur. Daxili astarda "Hörümçək Adam 3"ün istehsalında istifadə edildiyini göstərən "3.S" işarəsi olan əlavələr var.

Geyimi "Oskar" mükafatlı kostyum dizayneri Ceyms Açeson hazırlayıb.

Ekspertlər kostyumun qiymətini 100-200 min dollar arasında qiymətləndiriblər. Lotun başlanğıc qiyməti 50 min dollar təşkil edib.