Yutub “Oskar”ın yayımını alır

Yutub platforması “Oskar” mükafatlandırma mərasiminin yayım hüquqlarını almaqda maraqlıdır.

Bu barədə "Bloomberg" məlumat yayıb.

Mütəxəssislərin fikrincə, mərasimin videoplatformaya keçirilməsi hər il populyarlığını itirən şouya daha çox diqqət cəlb edə bilər.

Bununla belə, “Oskar”ın yeni yayımlayıcısının məhz Yutub olacağı hələ dəqiq deyil. Hüquqlar uğrunda "NBC Universal" və "Netflix" də daxil olmaqla bir çox şirkət mübarizə aparır.

Xatırladaq ki, artıq təxminən 50 ildir mərasimi "ABC" kanalı yayımlayır və müqaviləyə əsasən bu, ən azı 2028-ci ilə qədər davam edəcək. Hazırda Kino Sənəti Akademiyası potensial yayımlayıcılarla danışıqlar aparır.