Türkdilli ölkələrin solistləri Bakıda çıxış edəcəklər  

Bakıda iyulun 4-də TÜRKSOY-a daxil olan ölkələrin- Türkiyə Azərbaycan, Qazaxıstan, Qırğızıstan, Özbəkistan və Başqırdıstanın solistlərinin iştirakı ilə Qərbi-Qazaxıstan Vilayətinin Estrada – Simfonik Orkestrinin konserti olacaq.

Mtv.az xəbər verir ki, R.Behbudov adına Mahnı Teatrında təqdim ediləcək konsert Mədəniyyət Nazirliyi, Qazaxıstan Respublikasının Azərbaycandakı səfirliyi və TÜRKSOY-un təşkilatçılığı ilə baş tutacaq.

Konsertdə orkestri Qazaxıstanın Əməkdar mədəniyyət xadimi, dirijor Kanat Axmetov idarə edəcək.