Tarkan xaş yeməyi xoşlayır

Türkiyəli müğənni Tarkan ilə bağlı maraqlı iddia yayılıb.

Sənətçinin gənc və enerjili qalmasının sirri bəlli olub.

"Hürriyet" qəzetinin yazarı Mehmet Üstündağın məlumatına görə, Tarkanın sirri davamlı olaraq xaş yeməsidir. O, hər konsertdən sonra ənənəvi olaraq kəlləpaça şorbası içir. Bildirilib ki, sənətçi xüsusilə İstanbulun Fatih səmtindəki məkanlara üz tutur və təbii kollagen mənbəyi sayılan bu yeməyi seçir. İddia olunur ki, məhz bu vərdiş onun həm səhnə enerjisini qorumasına, həm də dərisinin parlaq qalmasına kömək edir.