Zamiq qazancını mahnıya xərcləyir

Müğənni Zamiq Hüseynov qazancını nəyə xərclədiyini açıqlayıb.

Sənətçi televerilişin birində gəlirinin çoxunu mahnılara xərclədiyini deyib: "Qeyri-adi nəyimsə yoxdur. Futbol həvəskarıyam. Bir köhnə maşınım var. Mənim üçün dəyərlidir. Yatırımımı sənətə edirəm. Mahnı oxumaq baha başa gəlir. Kliplə birlikdə mahnıya 30-35 min manat ödəyirəm. Səs, geyimlər, klip... Bunlar olunmalıdır. Konsertlər verirəm. Konsertə bütün biletlərim satıldı, amma bundan əlavə cibimdən pul xərclədim. Bunu heç kim bilmir, ilk dəfə deyirəm ki, cibimdən pul qoydum. Hər şeyin ən yaxşısını etdim. Acından ölməyəcəyəm. Bir formada dolanıram. Amma adıma görə ən yaxşısını etməliyəm".