Timur Əsgərov “Don Kixot” baletində rol alacaq
Sankt-Peterburq Dövlət Akademik Mariya Teatrının Primorye səhnəsində iyulun 24-25-də Lüdviq Minkusun “Don Kixot” baleti oynanılacaq.
Muztv.az teatra istinadla xəbər verir ki, iyulun 25-də göstəriləcək səhnə əsərində Bazil rolunu Azərbaycanın Əməkdar Artisti Timur Əsgərov canlandıracaq. Baletin nümayişi Marius Petipanın anadan olmasının 200 illiyinə həsr ediləcək. Səhnə əsərinin dünya premyerası 1869-cu ildə Moskvada Böyük Teatrda olub. Balet Mariya Teatrında ilk dəfə 1902-ci ildə oynanılıb.
Xatırladaq ki, T.Əsgərov 2008-ci ildə Bakı Xoreoqrafiya Akademiyasını bitirib, Azərbaycan Dövlət Akademik, Ukrayna Milli Akademik Opera və Balet teatrlarında çalışıb. 2011-ci ildən Mariya Teatrının truppasında fəaliyyət göstərir. Azərbaycan Respublikasının Prezidenti İlham Əliyevin 2014-cü il 1 fevral tarixli Sərəncamı ilə T.Əsgərov gənclər üçün prezident mükafatına layiq görülüb. O, 2015-ci ildə Rusiya Böyük Teatrının səhnəsində görkəmli bəstəkar Arif Məlikovun “Məhəbbət əfsanəsi” baletində Fərhadın partiyasını oynayıb. O, Mariya Teatrının truppası ilə birlikdə Avropa, Amerika və Asiya ölkələrində qastrolda olub.
Muztv.az teatra istinadla xəbər verir ki, iyulun 25-də göstəriləcək səhnə əsərində Bazil rolunu Azərbaycanın Əməkdar Artisti Timur Əsgərov canlandıracaq. Baletin nümayişi Marius Petipanın anadan olmasının 200 illiyinə həsr ediləcək. Səhnə əsərinin dünya premyerası 1869-cu ildə Moskvada Böyük Teatrda olub. Balet Mariya Teatrında ilk dəfə 1902-ci ildə oynanılıb.
Xatırladaq ki, T.Əsgərov 2008-ci ildə Bakı Xoreoqrafiya Akademiyasını bitirib, Azərbaycan Dövlət Akademik, Ukrayna Milli Akademik Opera və Balet teatrlarında çalışıb. 2011-ci ildən Mariya Teatrının truppasında fəaliyyət göstərir. Azərbaycan Respublikasının Prezidenti İlham Əliyevin 2014-cü il 1 fevral tarixli Sərəncamı ilə T.Əsgərov gənclər üçün prezident mükafatına layiq görülüb. O, 2015-ci ildə Rusiya Böyük Teatrının səhnəsində görkəmli bəstəkar Arif Məlikovun “Məhəbbət əfsanəsi” baletində Fərhadın partiyasını oynayıb. O, Mariya Teatrının truppası ilə birlikdə Avropa, Amerika və Asiya ölkələrində qastrolda olub.