Milli Dram Teatrı mövsümü “Qarabağnamə” tamaşası ilə bağlayır
Azərbaycan Dövlət Akademik Milli Dram Teatrı cari mövsümə iyulun 14-də “Qarabağnamə” tamaşası ilə yekun vuracaq.
Muztv.az xəbər verir ki, bu barədə teatrın mətbuat katibi Cavid Zeynallı bildirib.
Odeyib ki, milli teatr ənənəvi olaraq mövsümü “Qarabağnamə” tamaşası ilə açır və bağlayır: “Bu tamaşa Azərbaycan xalqının tarixi və bu günü ilə bağlıdır. Səhnə əsəri XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir. Xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri, dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur. Xalq Yazıçısı İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Xalq Artisti Mərahim Fərzəlibəyov, quruluşçu rəssamı Əməkdar Rəssam İsmayıl Məmmədov, geyim rəssamı Aygün Mahmudova, işıq üzrə rəssamı Rafael Həsənov, musiqi tərtibatçısı Həmid Kazımzadədir. Səhnə əsərində rolları Xalq artistləri Firəngiz Mütəllimova, Rafiq Əzimov, Səidə Quliyeva, Hacı İsmayılov, Ramiz Məlik, Ramiz Novruz, Sabir Məmmədov, Əjdər Həmidov, Əməkdar artistlər Kazım Abdullayev, Elxan Quliyev, Əli Nurzadə, Məsmə Aslanqızı, Kazım Həsənquliyev, Aslan Şirin, Mirzə Ağabəyli, Elşən Cəbrayılov, Anar Heybətov, Rövşən Kərimduxt, aktyorlar Əminə Babayeva, Şəhla Əliqızı, Rəşad Bəxtiyarov, Elnar Qarayev, Ləman İmanova, Elnur Qədirov və Rada Nəsibova ifa edəcək.
C.Zeynallı söyləyib ki, bu mövsüm teatr üçün əlamətdar hadisələrlə yadda qalıb. Mövsüm ərzində sənət ocağının yaradıcı kollektivi xaricdə və bölgələrdə qastrol səfərlərində olub, bir neçə tamaşanın premyerası keçirilib, habelə Azərbaycan teatrının inkişafında müstəsna xidmətləri olan korifey sənətkarlarımızın yubileyləri Mədəniyyət Nazirliyinin dəstəyi ilə təntənəli şəkildə qeyd edilib.
Muztv.az xəbər verir ki, bu barədə teatrın mətbuat katibi Cavid Zeynallı bildirib.
Odeyib ki, milli teatr ənənəvi olaraq mövsümü “Qarabağnamə” tamaşası ilə açır və bağlayır: “Bu tamaşa Azərbaycan xalqının tarixi və bu günü ilə bağlıdır. Səhnə əsəri XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir. Xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri, dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur. Xalq Yazıçısı İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Xalq Artisti Mərahim Fərzəlibəyov, quruluşçu rəssamı Əməkdar Rəssam İsmayıl Məmmədov, geyim rəssamı Aygün Mahmudova, işıq üzrə rəssamı Rafael Həsənov, musiqi tərtibatçısı Həmid Kazımzadədir. Səhnə əsərində rolları Xalq artistləri Firəngiz Mütəllimova, Rafiq Əzimov, Səidə Quliyeva, Hacı İsmayılov, Ramiz Məlik, Ramiz Novruz, Sabir Məmmədov, Əjdər Həmidov, Əməkdar artistlər Kazım Abdullayev, Elxan Quliyev, Əli Nurzadə, Məsmə Aslanqızı, Kazım Həsənquliyev, Aslan Şirin, Mirzə Ağabəyli, Elşən Cəbrayılov, Anar Heybətov, Rövşən Kərimduxt, aktyorlar Əminə Babayeva, Şəhla Əliqızı, Rəşad Bəxtiyarov, Elnar Qarayev, Ləman İmanova, Elnur Qədirov və Rada Nəsibova ifa edəcək.
C.Zeynallı söyləyib ki, bu mövsüm teatr üçün əlamətdar hadisələrlə yadda qalıb. Mövsüm ərzində sənət ocağının yaradıcı kollektivi xaricdə və bölgələrdə qastrol səfərlərində olub, bir neçə tamaşanın premyerası keçirilib, habelə Azərbaycan teatrının inkişafında müstəsna xidmətləri olan korifey sənətkarlarımızın yubileyləri Mədəniyyət Nazirliyinin dəstəyi ilə təntənəli şəkildə qeyd edilib.