Camal Əliyev İstanbul Musiqi Festivalında çıxış edəcək

Bu il mayın 23-dən iyunun 12-dək Türkiyədə 46-cı İstanbul Musiqi Festivalı keçiriləcək.

Muztv.az xəbər verir ki, azərbaycanlı violonçel ifaçısı, beynəlxalq müsabiqələr laureatı Camal Əliyev iyunun 8-də festival çərçivəsində Müqəddəs Antoni kilsəsində keçiriləcək konsertdə çıxış edəcək. Konsertdə, həmçinin Alican Süner (skripka), Can Çakmur (piano) iştirak edəcəklər.

İstanbul Mədəniyyət və İncəsənət Fondu tərəfindən təşkil olunan festivalın builki mövzusu “Ailə əlaqələri” adlanır.