“Yuğ” Teatrı beynəlxalq festivalda iştirak edəcək

Avqustun 24-dən 28-dək Qazaxıstanın Aktau şəhərində xalq artisti Asanali Aşimovun 80 illiyinə həsr olunan Xəzəryanı Ölkələrin Birinci Beynəlxalq Teatr Festivalı keçiriləcək. 

Muztv.az xəbər verir ki, beynəlxalq tədbirdə Azərbaycanı “Yuğ” Teatrı təmsil edəcək.

Festivalda rejissor Mikayıl Mikayılovun quruluş verdiyi “Medeya. Sekvensiya 001.” tamaşası göstəriləcək. 

Həmçinin Azərbaycandan teatrşünas alim İsrafil İsrafilov beynəlxalq tərkibli münsiflər heyətində təmsil olunacaq.