Eldar Mansurovun doğum günüdür
Bu gün bəstəkar Eldar Mansurovun doğum günündür.
Muztv.az-ın məlumatına görə, xalq artistinin 65 yaşı tamam olur. Bakıda, musiqiçi ailəsində dünyaya gələn bəstəkar bir sıra filmlərə və tamaşalara musiqilər bəstələyib, 3000-dən artıq mahnı və instrumental musiqinin müəllifidir. Onun ən sevilən bəstəsi isə “Bayatılar”dır. 1989-cu ildə Briliant Dadaşovanın ifa etdiyi mahnı sonradan dünyanın bir çox ölkəsində - Türkmənistan, Rusiya, Türkiyə, Yunanıstan, Almaniya, İtaliya, İspaniya, Fransa, Rumıniya, Bosniya və Herseqovina, Xorvatiya, ABŞ, İngiltərə, İsveç, Kanada, İsrail, ərəb ölkələri, hətta uzaq Braziliyada da müxtəlif ifaçılar tərəfindən istifadə edilib.
Eldar Mansurovun sevilən əsəri onun "Bəhramnamə"sidir. Əsər onun atası, məşhur tarzən Bəhram Mansurovun əziz xatirəsinə həsr olunub. Zəmanəsinin ən görkəmli ifaçılarından olan Bəhram Mansurov muğamlarımızı dünyaya tanıtdıran ilk musiqiçidir. Eldar Mansurov uzun illər təkcə bəstəkarlıqla yox, həm də muğamlarımızın tarixi və nəzəriyyəsi ilə də məşğul olub. O, elmi məqalələr yazmaqla yanaşı, 10 ildən çox atası Bəhram Mansurovun tarda ifasından bütün muğamları, qədim dəraməd, rəng, diringə, təsnif və bir çox el havalarını nota salıb. Eldar Mansurov 30 ildən çox nəslinin tarixi ilə də maraqlanıb. Arxivlərdə, muzeylərdə, kitabxanalarda bir çox əlyazmaları və tarixi sənədləri tədqiq edib, XVII əsrin əvvəllərindən bu günümüzə qədər əslən bakılı olan Mansurovlar nəslinin tarixini yazıb.
O, dahi bəstəkar olmaqla yanaşı, Azərbaycanda estrada musiqisinin yaradıcısıdır. Bundan əlavə, onun Azərbaycanın kino və teatr tarixinə də əvəzsiz xidmətləri olub. Azərbaycanda pop musiqinin təməlini qoyan Eldar Mansurov çoxlu sənətçi yetişdirib.
Azərbaycan mədəniyyətinin inkişafındakı xidmətlərinə görə 2005-ci ildə "Əməkdar incəsənət xadimi", 2012-ci ildə "Xalq artisti" fəxri adlarına layiq görülüb. Ailəlidir, 2 oğlu var.
Muztv.az-ın məlumatına görə, xalq artistinin 65 yaşı tamam olur. Bakıda, musiqiçi ailəsində dünyaya gələn bəstəkar bir sıra filmlərə və tamaşalara musiqilər bəstələyib, 3000-dən artıq mahnı və instrumental musiqinin müəllifidir. Onun ən sevilən bəstəsi isə “Bayatılar”dır. 1989-cu ildə Briliant Dadaşovanın ifa etdiyi mahnı sonradan dünyanın bir çox ölkəsində - Türkmənistan, Rusiya, Türkiyə, Yunanıstan, Almaniya, İtaliya, İspaniya, Fransa, Rumıniya, Bosniya və Herseqovina, Xorvatiya, ABŞ, İngiltərə, İsveç, Kanada, İsrail, ərəb ölkələri, hətta uzaq Braziliyada da müxtəlif ifaçılar tərəfindən istifadə edilib.
Eldar Mansurovun sevilən əsəri onun "Bəhramnamə"sidir. Əsər onun atası, məşhur tarzən Bəhram Mansurovun əziz xatirəsinə həsr olunub. Zəmanəsinin ən görkəmli ifaçılarından olan Bəhram Mansurov muğamlarımızı dünyaya tanıtdıran ilk musiqiçidir. Eldar Mansurov uzun illər təkcə bəstəkarlıqla yox, həm də muğamlarımızın tarixi və nəzəriyyəsi ilə də məşğul olub. O, elmi məqalələr yazmaqla yanaşı, 10 ildən çox atası Bəhram Mansurovun tarda ifasından bütün muğamları, qədim dəraməd, rəng, diringə, təsnif və bir çox el havalarını nota salıb. Eldar Mansurov 30 ildən çox nəslinin tarixi ilə də maraqlanıb. Arxivlərdə, muzeylərdə, kitabxanalarda bir çox əlyazmaları və tarixi sənədləri tədqiq edib, XVII əsrin əvvəllərindən bu günümüzə qədər əslən bakılı olan Mansurovlar nəslinin tarixini yazıb.
O, dahi bəstəkar olmaqla yanaşı, Azərbaycanda estrada musiqisinin yaradıcısıdır. Bundan əlavə, onun Azərbaycanın kino və teatr tarixinə də əvəzsiz xidmətləri olub. Azərbaycanda pop musiqinin təməlini qoyan Eldar Mansurov çoxlu sənətçi yetişdirib.
Azərbaycan mədəniyyətinin inkişafındakı xidmətlərinə görə 2005-ci ildə "Əməkdar incəsənət xadimi", 2012-ci ildə "Xalq artisti" fəxri adlarına layiq görülüb. Ailəlidir, 2 oğlu var.