Ərdoğan "Avroviziya"nı tənqid edib

Türkiyə Prezidenti Rəcəb Tayyib Ərdoğan "Avroviziya" beynəlxalq mahnı müsabiqəsi ilə bağlı açıqlama verib.

R.T.Ərdoğan müsabiqəni tənqid edib və 12 ildir ölkənin yarışmaya qatılmamasını uğurlu siyasət adlandırıb:

"Beynəlxalq yarışmalarda hərəkətləri, geyimləri, sözləri ilə normal insana rast gəlmək demək olar ki, mümkün deyil. Bunun məqsədli siyasət olduğu artıq hamıya məlumdur. Türkiyəni son 12 ildir bu biabırçılıqdan uzaqda tutaraq nə qədər düzgün qərar verdiyimizi daha yaxşı anlayırıq". 

Xatırladaq ki, daha əvvəl Türkiyənin Milliyətçi Hərəkat Partiyasının sədri Dövlət Baxçalı "Avroviziya 2024" beynəlxalq mahnı müsabiqəsinin qalibi İsveçrə təmsilçisi Nemonu tənqid edib.

Xatırladaq ki, Türkiyə sonuncu dəfə "Avroviziya"da 2012-ci ildə Azərbaycanda keçirilərkən iştirak edib.

Onu da qeyd edək ki, bu il ölkəmizi yarışmada Fahree və İlkin Dövlətöv "Özünlə apar" mahnısı ilə təmsil ediblər. Onlar finala vəsiqə qazana bilməyib.