Eyyub Yaqubovun doğum günüdür

Bakının hər küçəsini, hər məhəlləsini musiqi ilə təsvir etməyi bacaran Xalq artisti Eyyub Yaqubovun bu gün 59 yaşı tamam olur.

Söhbət 1965-ci ilin bu günü Bakının Bayıl qəsəbəsində dünyaya göz açan, özünəməxsus müğənni, Xalq artisti Eyyub Yaqubovdan gedir.

Uşaqlıqdan musiqiyə marağı olan Eyyub bəy, öncə 3 saylı musiqi məktəbində, sonra isə Asəf Zeynallı adına Musiqi Texnikumunda fortepiano üzrə təhsil alıb. Lakin sənətçi daha sonra fortepiano ifaçılığından imtina edərək müğənni olmağa qərar verir. Beləliklə, o, ifası ilə Azərbaycan musiqisinə yeni mahnılar qazandırır.