Cavanşir Quliyevin səhhəti necədir?

Əməkdar incəsənət xadimi, Azərbaycanın tanınmış bəstəkarı Cavanşir Quliyevin səhhəti ilə bağlı telefon bağlantısı ilə xəbər aldıq.

Sənətçinin ən son vəziyyətini gəlin özündən eşidək: "Müalicə evdə davam edir. Vəziyyət hazırda yaxşıdır. Kontrola getməliyəm. Bir az fiziki zəyiflik var. Xəstəliklə bağlı əzələləri möhkəmləndirmək lazımdır"

Bəstəkar vəziyyətinin ağır olduğu zamanlarda yanında olan hər kəsə öz minnətdarlığını bildirdi.

"Çölə çıxıram yavaş-yavaş yeriyirəm . Dinləyici, tamaşaçı hamıya təşəkkür edirəm mənimlə maraqlanan. Bilirsiniz dövlətimizin yardımı ilə müalicə aldım Türkiyədə. Dövlətə, H.Əliyev Fonduna və onun prezidenti Mehriban Əliyevaya təşəkkür edirəm"

Xatırladaq ki, Cavanşir Quliyev Türkiyədə səfərdə olarkən vəziyyəti pisləşib. Həmin vaxt İstanbulda xəstəxanaya yerləşdirilən bəstəkarın ürəyində ilk olaraq stent əməliyyatı aparılmışdı.