“Muzeydə musiqi”

Azərbaycan Milli İncəsənət Muzeyi “Muzeydə musiqi” adlı yeni layihəyə başlayıb.

Azərbaycan Respublikasının Mədəniyyət Nazirliyi və Azərbaycan Milli İncəsənət Muzeyinin təşkilatçılığı ilə həyata keçirilən layihənin hər bir mərhələsi musiqi və təsviri sənətin müəyyən dövrlərinə həsr olunacaq. Tamaşaçılar konsertdə musiqi dinləməklə yanaşı, həm də həmin dövrün sənət əsərləri ilə onları yaxından tanış edəcək tematik ekskursiyada iştirak etmək kimi unikal imkan əldə edəcəklər. 

Qeyd edək ki, layihə çərçivəsində görkəmli alman bəstəkarına həsr olunmuş “Siz Baxı sevirsinizmi?” adlı ilk konsert artıq təqdim olunub.