“Diqqət-diqqət, göstərir Bakı!”

Azərbaycanın ilk milli televiziya kanalı olan, Azərbaycan Televiziyasının təsis edilməsindən 68 il ötür.

1956-cı ilin fevralın 14-də fəaliyyətə başlayan Azərbaycan televiziyasından “Göstərir Bakı” sədası ucalıb. Ekranlarda ilk olaraq "Bəxtiyar" bədii filmi nümayiş etdirilib.

Həmin ilin mayında efirdə ilk diktorlar görünüblər. Onların arasında Tamara Gözəlova, Nailə Mehdibəyova, Sevda Qənizadə, Sara Manafova, Nizami Məmmədov var idi. Ümumilikdə Azərbaycan televiziyası ölkə teleməkanının formalaşmasında böyük rol oynayıb.

68 illik əzəmətli inkişaf yolu keçən, daim operativ xəbərlər təqdim edən,minlərlə ictimai maraq kəsb edən insanların tanınmasında müstəsna rolu olan, maarifləndirən Aztv kanalı və orada əməyi keçən bütün həmkarlarımızı ürəkdən təbrik edirik!