Gənc ifaçılar konsert verdilər - foto

Rusiya İnformasiya-Mədəniyyət Mərkəzində gənc ifaçıların konserti olub.

Mtv.az xəbər verir ki, Gənclər Günü münasibətilə təqdim olunana konsertdə Ü. Hacıbəyli adına Bakı Musiqi Akademiyasının tələbə və müəllimləri iştirak ediblər. Konsert zamanı Azərbaycan və xarici bəstəkarların əsərləri, eləcə də müasir estrada janrında olan əsərlər səslədirilib.

Rusiya İnformasiya-Mədəniyyət Mərkəzinin rəhbəri Valentin Denisov konsertin təşkilində əməyi olan hər kəsə təşəkkür edib.

Xatırladaq ki, konsert Rusiya İnformasiya-Mədəniyyət Mərkəzi ilə Ü.Hacıbəyli adına Bakı Musiqi Akademiyasının birgə təşkilatçılığı ilə gerçəkləşib.