Pianoçu Vurğun Vəkilov Parisdə çıxış etdi - foto

Parisin Ecole normale de musique de Paris-Alfred-Cortot ali musiqi məktəbinin məşhur Rəna Şereşevskayanın Darius Milhaud konservatoriyasında sinif konserti keçirilib.

Mtv.az xəbər verir ki, Parisin Ecole normale de musique de Paris-Alfred-Cortot ali musiqi məktəbində təhsil alan və Rəna Şereşevskayanın tələbəsi, pianoçu Vurğun Vəkilov konsertdə çıxış edib. O, Robert Şumanın “Simfonik etüd”lərini ifa edib.

V.Vəkilov 2004-cü ildə Bülbül adına Orta İxtisas Musiqi Məktəbinə qəbul olunub. O, 2008-ci ildə ulu öndər Heydər Əliyevin anadan olmasının 85 illik yubileyinə həsr edilmiş gənc ifaçıların I Respublika müsabiqəsində birinci nəticə göstərib. Bir çox yubiley və festivallarda qələbə qazanmış V.Vəkilovun adı Azərbaycanın gənc istedadlarının “Qızıl kitabı”na yazılıb.

İtaliyanın Pesaro şəhərində keçirilmiş VIII “Çitta di Pesaro” beynəlxalq müsabiqəsinin qalibi olub. (Azərtac)