Aşıqi İmranın 90 illiyi qeyd olundu
Mədəniyyət Nazirliyi və Azərbaycan Aşıqlar Birliyinin (AAB) birgə təşkilatçılığı ilə R.Behbudov adına Mahnı Teatrında ustad aşıq, Əməkdar mədəniyyət işçisi İmran Həsənovun anadan olmasının 90 illiyi qeyd edilib.
Muztv.az xəbər verir ki, birliyin sədri, Əməkdar elm xadimi, professor Məhərrəm Qasımlı İmran Həsənovun keçdiyi ömür və yaradıcılıq yolundan danışıb. XX əsrin ikinci yarısında Azərbaycan aşıq sənətinin inkişafında onun özünəməxsus yerindən, böyük xidmətlərindən söz açıb.
Qeyd olunub ki, İmran Həsənov 1928-ci ildə Göyçə mahalının Ağbulaq kəndində anadan olub. Sonradan Tovuza köçüb. Aşıqlığı əvvəlcə əmisi aşıq Dünyamalıdan, sonra isə Məhərrəm Hacıyevdən öyrənib. Zil səsi ilə seçilən İ.Həsənov qısa müddət ərzində istedadlı bir aşıq kimi bütün Azərbaycanda tanınıb. 1956-cı ildə Bakı, 1957-ci ildə Moskva festivallarının laureatı olub. 1967-ci ildə respublikanın “Əməkdar mədəniyyət işçisi” fəxri adına layiq görülüb. Azərbaycan aşıqlarının III və IV qurultaylarının fəal iştirakçılarından olub. Aşıq İmran beynəlxalq miqyaslı müxtəlif tədbirlərdə iştirak edib.
Bildirilib ki, aşıq yaradıcılığının, nağıl və dastanların, aşıq şeirlərinin və havalarının mahir bilicisi və ifaçısı olan Aşıq İmran həm də yüzlərlə qoşma, gəraylı və vücudnamə müəllifidir.
Tədbirdə tanınmış və gənc aşıqlar, Təbrizdən gəlmiş sənətkarlar, Əməkdar mədəniyyət işçisi Gülarə Azaflının rəhbərlik etdiyi ”Çeşmə” folklor qrupu və Anar Abdullayevin başçılığı ilə “Koroğlu” aşıqlar qrupunun üzvləri öz ifaları ilə ölməz sənətkarın ruhuna ehtiramlarını ifadə ediblər.
Tədbirin sonunda yubilyarın oğlu Firdovsi Həsənov atasının xatirəsinə göstərilən ehtirama görə ölkə rəhbərliyinə, Mədəniyyət Nazirliyinə və Azərbaycan Aşıqlar Birliyinə minnətdarlığını bildirib.
Muztv.az xəbər verir ki, birliyin sədri, Əməkdar elm xadimi, professor Məhərrəm Qasımlı İmran Həsənovun keçdiyi ömür və yaradıcılıq yolundan danışıb. XX əsrin ikinci yarısında Azərbaycan aşıq sənətinin inkişafında onun özünəməxsus yerindən, böyük xidmətlərindən söz açıb.
Qeyd olunub ki, İmran Həsənov 1928-ci ildə Göyçə mahalının Ağbulaq kəndində anadan olub. Sonradan Tovuza köçüb. Aşıqlığı əvvəlcə əmisi aşıq Dünyamalıdan, sonra isə Məhərrəm Hacıyevdən öyrənib. Zil səsi ilə seçilən İ.Həsənov qısa müddət ərzində istedadlı bir aşıq kimi bütün Azərbaycanda tanınıb. 1956-cı ildə Bakı, 1957-ci ildə Moskva festivallarının laureatı olub. 1967-ci ildə respublikanın “Əməkdar mədəniyyət işçisi” fəxri adına layiq görülüb. Azərbaycan aşıqlarının III və IV qurultaylarının fəal iştirakçılarından olub. Aşıq İmran beynəlxalq miqyaslı müxtəlif tədbirlərdə iştirak edib.
Bildirilib ki, aşıq yaradıcılığının, nağıl və dastanların, aşıq şeirlərinin və havalarının mahir bilicisi və ifaçısı olan Aşıq İmran həm də yüzlərlə qoşma, gəraylı və vücudnamə müəllifidir.
Tədbirdə tanınmış və gənc aşıqlar, Təbrizdən gəlmiş sənətkarlar, Əməkdar mədəniyyət işçisi Gülarə Azaflının rəhbərlik etdiyi ”Çeşmə” folklor qrupu və Anar Abdullayevin başçılığı ilə “Koroğlu” aşıqlar qrupunun üzvləri öz ifaları ilə ölməz sənətkarın ruhuna ehtiramlarını ifadə ediblər.
Tədbirin sonunda yubilyarın oğlu Firdovsi Həsənov atasının xatirəsinə göstərilən ehtirama görə ölkə rəhbərliyinə, Mədəniyyət Nazirliyinə və Azərbaycan Aşıqlar Birliyinə minnətdarlığını bildirib.