"O səs Türkiyə"də azərbaycanlı ifaçılar bəyənildilər - video

Türkiyədə "O səs Türkiyə" proqramında bu həftə iki azərbaycanlı ifaçı yer alıb.

Muztv.az xəbər verir ki, Azər Nəsirov adlı gənc Xalq artisti Polad Bülbüloğlunun "Gəl ey səhər" mahnısını səsləndirib. Azərin ifasını münsiflərdən Murad Boz və Bəyazit Öztürk (Bəyaz) bəyənib. 

Hətta Murad ayağa qalxaraq mahnını Azərlə duet şəklində səsləndirməyi təklif edib. Murad daha sonra mahnını çox sevdiyini bildirib:

"Mahnını Azərbaycanın keçmiş mədəniyyət naziri oxuyub. Daha sonra bizdə Şəbnəm səsləndirdi. Çox bəyəndiyim mahnıdır".

Azər yarışmaya Muradla davam etmək istədiyini söyləyib. 

"O səs Türkiyə"yə qatılan digər azərbaycanlı isə Naz Dej olub. Sosial şəbəkədə "Azəri Mashub" adı ilə tanınan qız yarışmada "I care" mahnısını səsləndirib. 

Nazın ifasını Hadisə, Murad Boz və Bəyaz bəyənib. Onlar Nazdan türk mahnısı oxumasını da istəyiblər. Naz "Sil baştan" mahnısını səsləndirib.

Murad ifaçının ünvanına təriflər yağdırıb.

Hadise isə Bozu qısqandığını söyləyib. 

Seda Sayan Naza Bəyazı seçməsi üçün təkid edib.

Naz isə sonda yarışmaya Bozla davam etmək istədiyini bildirib.