Xalq Artisti Gülxar Həsənovanın 100 illiyi qeyd olunacaq
Bu ilin dekabr ayında Azərbaycanın görkəmli opera müğənnisi, Xalq Artisti Gülxar İbrahim qızı Həsənovanın anadan olmasının 100 illiyi tamam olur.
Muztv.az xəbər verir ki, Prezident İlham Əliyev Gülxar Həsənovanın 100 illik yubileyinin qeyd edilməsi haqqında Sərəncam imzalayıb.
Sənəddə deyilir ki, Gülxar Həsənova Azərbaycan operasının şah əsərlərində təbiiliyi, dolğunluğu və özünəməxsusluğu ilə seçilən çox sayda unudulmaz obrazlar yaratmış, uzun illər ərzində aparıcı partiyalardakı yaddaqalan çıxışları ilə ifaçılıq sənəti tariximizə yeni səhifələr yazmışdır. Gənc opera solistlərinin hazırlanmasında onun təqdirəlayiq xidmətləri vardır. Yüksək səhnə mədəniyyətinə malik sənətkar muğam, təsnif və xalq mahnılarının mahir ifaçısı kimi musiqisevərlərin qəlbində dərin izlər buraxmışdır.
Mədəniyyət Nazirliyinə Xalq Artisti Gülxar Həsənovanın 100 illik yubileyinə həsr olunmuş tədbirlər planını hazırlayıb həyata keçirmək tapşırılıb.
Muztv.az xəbər verir ki, Prezident İlham Əliyev Gülxar Həsənovanın 100 illik yubileyinin qeyd edilməsi haqqında Sərəncam imzalayıb.
Sənəddə deyilir ki, Gülxar Həsənova Azərbaycan operasının şah əsərlərində təbiiliyi, dolğunluğu və özünəməxsusluğu ilə seçilən çox sayda unudulmaz obrazlar yaratmış, uzun illər ərzində aparıcı partiyalardakı yaddaqalan çıxışları ilə ifaçılıq sənəti tariximizə yeni səhifələr yazmışdır. Gənc opera solistlərinin hazırlanmasında onun təqdirəlayiq xidmətləri vardır. Yüksək səhnə mədəniyyətinə malik sənətkar muğam, təsnif və xalq mahnılarının mahir ifaçısı kimi musiqisevərlərin qəlbində dərin izlər buraxmışdır.
Mədəniyyət Nazirliyinə Xalq Artisti Gülxar Həsənovanın 100 illik yubileyinə həsr olunmuş tədbirlər planını hazırlayıb həyata keçirmək tapşırılıb.