"Təəssüf ki, həyat belədir. Gələn getməlidir”- mərhum Eldəniz Zeynalov anıldı – foto
Bakı Şəhər Mədəniyyət və Turizm Baş İdarəsinin təşkilatçılığı ilə bu gün Mərdəkan Mədəniyyət Sarayında Xalq Artisti, mərhum aktyor Eldəniz Zeynalovun 80 illik yubiley gecəsi keçirilib.
Muztv.az xəbər verir ki, yubiley gecəsində sənətkarla eyni səhnəni paylaşmış tərəf müqabilləri, tanınmış mədəniyyət xadimləri, elm və təhsil işçiləri və aktyorun ailə üzvləri iştirak ediblər.
Tədbirdə Eldəniz Zeynalovun həyat və yaradıcılığından, kinomuzun inkişafındakı xidmətlərindən danışılıb və sənətkarın rol aldığı filmlərdən fraqmentlər nümayiş olunub.
Muztv.az-a danışan sənətkarın qardaşı Tofiq Zeynalov belə tədbirin keçirilməsini təqdirəlayiq hal kimi qiymətləndirib:
“Bu tədbiri təqdirəlayiq hal kimi qiymətləndirirəm. Bakı Şəhər Mədəniyyət və Turizm İdarəsinə təşəkkürümü bildirirəm ki, belə gözəl tədbiri təşkil edib. Fəxr duyuram ki, qardaşım haqqında verilişlər hazırlanır. O, mədəniyyət, dostlar, ailəsi üçün böyük itkidir. Hesab edin ki, mənə qardaşsız çox ağırdır. Adama arxa-dayaq idi. Problemim olanda ona müraciət edirdim. Təəssüf ki, həyat belədir. Gələn getməlidir”.
Mərhum aktyoru bir neçə ekran əsərinə çəkən rejissor Ramiz Həsənoğlu unudulmaz sənətkarı belə xatırlayıb:
“Mən Eldəniz müəllimlə çox yaxşı tanış idim. O, mənim bəzi ekran əsərlərimdə rol alıb. Onlardan “Qonşu qonşu olsa” və “Nigarançılıq” filmlərinin adlarını çəkə bilərəm. Hər bir rejissor arzu edərdi ki, Eldəniz kimi aktyorla işləsin. Mən də onunla işləməyi arzu edirdim və nə yaxşı ki, bu, baş tutdu. Bizim birgə layihələrimizə tamaşaçılar, sonradan gələn nəsillər baxa-baxa Eldəniz Zeynalov haqqında öz təsəvvürlərini genişləndirəcəklər. Onu itkisi mədəniyyətimiz üçün itkidir. Təsəllimiz odur ki, o, çox gözəl personajlar yaratdı. Filmlərə çəkildi. Teatr tamaşaları oynadı. O, yaddaşlarda həmişəlik qalıb”.
Tədbirdə milli mahnılar səsləndirilib.
Xatırladaq ki, Eldəniz Zeynalov “Əhməd haradadır?”, “Bəyin oğurlanması”, “Bizim Cəbiş müəllim”, “Bir cənub şəhərində”, “Yeddi oğul istərəm”, “Yol əhvalatı” və başqa məşhur Azərbaycan filmlərində rol alıb.
Mərhum Xalq Artisti 2002-ci il noyabrın 5-də 65 yaşında dünyasını dəyişib.
Lamiyə Balacayeva
Muztv.az xəbər verir ki, yubiley gecəsində sənətkarla eyni səhnəni paylaşmış tərəf müqabilləri, tanınmış mədəniyyət xadimləri, elm və təhsil işçiləri və aktyorun ailə üzvləri iştirak ediblər.
Tədbirdə Eldəniz Zeynalovun həyat və yaradıcılığından, kinomuzun inkişafındakı xidmətlərindən danışılıb və sənətkarın rol aldığı filmlərdən fraqmentlər nümayiş olunub.
Muztv.az-a danışan sənətkarın qardaşı Tofiq Zeynalov belə tədbirin keçirilməsini təqdirəlayiq hal kimi qiymətləndirib:
“Bu tədbiri təqdirəlayiq hal kimi qiymətləndirirəm. Bakı Şəhər Mədəniyyət və Turizm İdarəsinə təşəkkürümü bildirirəm ki, belə gözəl tədbiri təşkil edib. Fəxr duyuram ki, qardaşım haqqında verilişlər hazırlanır. O, mədəniyyət, dostlar, ailəsi üçün böyük itkidir. Hesab edin ki, mənə qardaşsız çox ağırdır. Adama arxa-dayaq idi. Problemim olanda ona müraciət edirdim. Təəssüf ki, həyat belədir. Gələn getməlidir”.
Mərhum aktyoru bir neçə ekran əsərinə çəkən rejissor Ramiz Həsənoğlu unudulmaz sənətkarı belə xatırlayıb:
“Mən Eldəniz müəllimlə çox yaxşı tanış idim. O, mənim bəzi ekran əsərlərimdə rol alıb. Onlardan “Qonşu qonşu olsa” və “Nigarançılıq” filmlərinin adlarını çəkə bilərəm. Hər bir rejissor arzu edərdi ki, Eldəniz kimi aktyorla işləsin. Mən də onunla işləməyi arzu edirdim və nə yaxşı ki, bu, baş tutdu. Bizim birgə layihələrimizə tamaşaçılar, sonradan gələn nəsillər baxa-baxa Eldəniz Zeynalov haqqında öz təsəvvürlərini genişləndirəcəklər. Onu itkisi mədəniyyətimiz üçün itkidir. Təsəllimiz odur ki, o, çox gözəl personajlar yaratdı. Filmlərə çəkildi. Teatr tamaşaları oynadı. O, yaddaşlarda həmişəlik qalıb”.
Tədbirdə milli mahnılar səsləndirilib.
Xatırladaq ki, Eldəniz Zeynalov “Əhməd haradadır?”, “Bəyin oğurlanması”, “Bizim Cəbiş müəllim”, “Bir cənub şəhərində”, “Yeddi oğul istərəm”, “Yol əhvalatı” və başqa məşhur Azərbaycan filmlərində rol alıb.
Mərhum Xalq Artisti 2002-ci il noyabrın 5-də 65 yaşında dünyasını dəyişib.
Lamiyə Balacayeva